రేపు విచారణకు రావాలి… కవితకు ED నోటీసులు

ఢిల్లీ లిక్కర్ స్కాంలో ఎమ్మెల్సీ కల్వకుంట్ల కవితకు ఎన్ ఫోర్స్ మెంట్ డైరెక్టరేట్ ED మరో సారి నోటీసులు జారీ చేసింది. శుక్రవారంనాడు ఢిల్లీలోని ఈడీ కార్యాలయంలో కవిత విచారణకు హాజరుకావాలని ఈడీ ఈ నోటీసుల్లో పేర్కొంది.

ఈ కేసులో గతంలో కూడా ఈడీ కవితను ఒక సారి విచారించిన ఈడీ మళ్ళీ విచారణకు హాజరుకావాలని నోటీసులు జారీ చేయడం బీఆరెస్ వర్గాల్లో కలకలం రేపుతోంది.

ఈ కేసులో ప్రముఖ వ్యాపారవేత్త అరుణ్ రామచంద్ర పిళ్లై అప్రూవర్‌గా మారాడు. ఆయన ప్రత్యేక జడ్జి ఎదుట వాంగ్మూలం ఇచ్చారు. ఈ మేరకు ఈడీ అధికారులు రికార్డ్ చేశారని తెలుస్తోంది. ఈ కేసులో రామచంద్ర పిళ్లై కంటే ముందు శరత్ చంద్రారెడ్డి, మాగుంట శ్రీనివాస్ రెడ్డి, మాగుంట రాఘవ, దినేష్ అరోరాలు అప్రూవర్‌గా మారారు. ఈ క్రమంలో కవిత విచారణ కీలకంగా మారింది.

నోటీసులు వచ్చిన నేపథ్యంలో కవిత లీగల్ ఒపీనియన్ తీసుకుంటున్నట్టు సమాచారం. రేపటి విచారణకు హాజరు అవుతారా లేదా అనే విషయం పై ఇంకా స్పష్ట‌త రాలేదు.

ఈ కేసులో చాలా కాలం కామ్ గా ఉన్న ఈడీ సడెన్ గా మళ్ళీ కవితను మళ్ళీ విచారణ చేయడానికి సిద్దమవడం బీఆరెస్ వర్గాల్లో ఆందోళన కలిగిస్తోంది.