ఒకవైపు రాహుల్ గాంధీని హిందూ వ్యతిరేకి అని ప్రచారం చేస్తున్న బీజేపీ మరో వైపు తాను అధికారంలో ఉన్న అస్సాంలో ఆయనను ఓ ఆలయంలోకి వెళ్ళకుండా అడ్డుకుంది. తాన
ఒకవైపు రాహుల్ గాంధీని హిందూ వ్యతిరేకి అని ప్రచారం చేస్తున్న బీజేపీ మరో వైపు తాను అధికారంలో ఉన్న అస్సాంలో ఆయనను ఓ ఆలయంలోకి వెళ్ళకుండా అడ్డుకుంది. తాను పూజలు చేసి వెనక్కు వస్తానని చెప్పినా అధికారులు ఆయనను అనుమతించలేదు.
15వ శతాబ్దానికి చెందిన అస్సామీ సన్యాసి, పండితుడు శ్రీమంత శంకరదేవ జన్మస్థలమైన నాగావ్‌లోని బటద్రవ సత్ర ఆలయాన్ని సందర్శించడానికి రాహుల్ గాంధీ వెళ్ళగా ఆయనను ఆలయ అధికారులు రానివ్వలేదు.
ఆలయంలోకి రాకుండా తనపై విధించిన ఆంక్షలపై “మేము ఆలయాన్ని సందర్శించాలనుకుంటున్నాము. ఆలయాన్ని సందర్శించలేనంతగా నేను చేసిన నేరం ఏమిటి?” అని ప్రశ్నించారు రాహుల్,
“మేము ఎటువంటి సమస్యలను సృష్టించకూడదనుకుంటున్నాము, మేము కేవలం ఆలయంలో ప్రార్థన చేయాలనుకుంటున్నాము,” అన్నారాయన.
ఆలయాన్ని ఎవరు సందర్శించాలనేది ఇప్పుడు ప్రధాని నరేంద్ర మోడీ నిర్ణయిస్తారని రాహుల్ గాంధీ అన్నారు.
ఈ సంఘటన తర్వాత కాంగ్రెస్ నాయకులు, రాహుల్ గాంధీ నాగోన్‌లో రోడ్డుపై కూర్చొని నిరసన తెలిపారు.
కాగా, అస్సాంలో భారత్ జోడో న్యాయ్ యాత్ర కాన్వాయ్‌లపై ప్రణాళిక ప్రకారం దాడులు జరిగాయని ఆరోపిస్తూ కాంగ్రెస్ ఈరోజు సాయంత్రం దేశవ్యాప్త నిరసనలను ప్రకటించింది. అస్సాం ముఖ్యమంత్రి తమ కాన్వాయ్‌లు, ఆస్తులు, నాయకులపై దాడులకు పాల్పడుతున్నారని పార్టీ ప్రధాన కార్యదర్శి కెసి వేణుగోపాల్ ఆరోపించారు.
నిన్న, ఒక రోడ్ షో సందర్భంగా, రాహుల్ గాంధీ నాగోన్‌లోని రోడ్డు పక్కన తినుబండారం వద్ద బీజేపీ కార్యకర్తల గుంపు ఆయన దగ్గరికి వచ్చి ఆయనకు వ్యతిరేకంగా నినాదాలు చేశారు. ‘అన్యాయ్ యాత్ర’ అంటూ ప్లకార్డులను ప్రదర్శించారు.
కాగా, అంతకుముందు ఆదివారం అస్సాం ముఖ్యమంత్రి హిమంత బిశ్వ శర్మ మాట్లాడుతూ.. రామ జన్మభూమిలో బాల రాముడి విగ్రహ ప్రాణప్రతిష్ఠ రోజు రాహుల్ గాంధీ బటద్రవకు వెళ్లవద్దని సూచించారు. దీనివల్ల అయోద్య రామజన్మ భూమికి, బటద్రవకు పోటీ పెట్టినట్టు ఉంటుందన్నారాయన. ఉద్రిక్తతలు చెలరేగే అవకాశం ఉందని ఆందోళన వ్యక్తం చేశారు.