రాహుల్ గాంధీ చేపట్టే భారత్ జోడో న్యాయ్ యాత్ర ప్రారంభ కార్యక్రమంలో తెలంగాణ ముఖ్యమంత్రి రేవంత్ రెడ్డి పాల్గొననున్నారు. ఈ యాత్ర ద్వారా, ప్రజాస్వామ్యం, న
రాహుల్ గాంధీ చేపట్టే భారత్ జోడో న్యాయ్ యాత్ర ప్రారంభ కార్యక్రమంలో తెలంగాణ ముఖ్యమంత్రి రేవంత్ రెడ్డి పాల్గొననున్నారు. ఈ యాత్ర ద్వారా, ప్రజాస్వామ్యం, న్యాయం, సమానత్వం లాంటి అంశాలపై రాహుల్ గాంధీ ప్రజలతో సంభాషించనున్నారు.
రేపు మణిపూర్ రాష్ట్రంలోని తౌబాల్ జిల్లాలోని ఓ ప్రయివేటు స్థ‌లం నుంచి ఈ యాత్ర ప్రారంభం కానుంది. ఆదివారం ఉదయం తెలంగాణ ముఖ్యమంత్రి రేవంత్ రెడ్డి మణిపూర్‌కు వెళ్లనున్నారు. తొలి రోజు భారత్ జోడో న్యాయ్ యాత్రలో పాల్గొని తిరిగి ఢిల్లీకి వస్తారు. అనంతరం దావోస్‌లో జ‌ర‌గ‌నున్న ప్ర‌పంచ ఆర్థిక స‌ద‌స్సుకు వెళ్లనున్నారు.
రేవంత్ రెడ్డి ఈ రోజు ఏఐసీసీ అగ్రనాయకులు సోనియా గాంధీని, రాహుల్ గాంధీని కలుసుకోనున్నారు. రాష్ట్రానికి సంబంధించిన అనేక అంశాలతోపాటు రెండు ఎమ్మెల్సీల నామినేష‌న్లపై వారితో రేవంత్ రెడ్డి చర్చించనున్నారు.