తెలంగాణ బీజేపీ BJP అధ్యక్షుడు బండి సంజయ్ BANDI SANJAY ఆ పదవి నుంచి నిష్క్రమించడంతో తెలంగాణలో భారతీయ జనతా పార్టీ (బిజెపి) అతని మూడేళ్ల పదవీ కాలంలో చూప
తెలంగాణ బీజేపీ BJP అధ్యక్షుడు బండి సంజయ్ BANDI SANJAY ఆ పదవి నుంచి నిష్క్రమించడంతో తెలంగాణలో భారతీయ జనతా పార్టీ (బిజెపి) అతని మూడేళ్ల పదవీ కాలంలో చూపించిన దూకుడు హిందుత్వHindutva కు దూరంగా ఉండాలనుకుంటోందా ? రాజకీయంగా చైతన్యవంతమైన తెలంగాణలో మతరాజకీయాలు పెద్దగా ఓట్లు రాల్చవని భావిస్తోన్న బీజేపీ అగ్రనాయకత్వం తమ రూటు మార్చాలని తన శ్రేణులకు దిశా నిర్దేశం చేసినట్టు సమాచారం.
ఈ ఏడాది జరగనున్న రాష్ట్ర ఎన్నికలలో అధికార భారత రాష్ట్ర సమితి (BRS) ప్రభుత్వానికి వ్యతిరేకంగా కాషాయ పార్టీ ‘అభివృద్ధి’ ఎజెండాను ముందుకు తీసుకపోవాలని ఆలోచిస్తోంది. 2020 నుండి బండి సంజయ్ నాయకత్వంలో, గోషామహల్ ఎమ్మెల్యే రాజా సింగ్ Raja singh(ప్రస్తుతం సస్పెన్షన్‌లో ఉన్నారు) , నిజామాబాద్ లోక్‌సభ ఎంపి ధర్మపురి అరవింద్ Dharmapuri aravind వంటి నాయకులు నిరంతరం ముస్లిం వ్యతిరేక భావజాలాన్ని లేవనెత్తడంతో బిజెపి హిందుత్వ స్వరం తెలంగాణలో దూకుడు ప్రదర్శించింది.
పార్టీ అధ్యక్ష పదవి విషయంలో బీజేపీ హుజూరాబాద్ ఎమ్మెల్యే ఈటల రాజేందర్‌తో Etala Rajendar నాయకత్వ విబేధాలతో ఇరుక్కున్న బండి సంజయ్ ఎట్టకేలకు ఈ నెల మొదట్లో రాజీనామా చేయగా ఆయన స్థానంలో సికింద్రాబాద్ లోక్‌సభ ఎంపీ, కేంద్ర మంత్రి జి. కిషన్‌రెడ్డిని Kishan Reddy నియమించారు. ఈ సంవత్సరం రాష్ట్ర ఎన్నికల ప్రచారంలో, ప్రధానంగా అధికార భారత రాష్ట్ర సమితి (BRS) వైఫల్యాలను హైలైట్ చేయడంపై దృష్టి పెడుతుందని రాష్ట్రానికి చెందిన బిజెపి నాయకులు చెప్పారు.
బండి సంజయ్ దూకుడు హిందుత్వ శైలి ఈటల రాజేందర్ సహా బిజెపిలో చేరిన కొంతమంది మాజీ కాంగ్రెస్ నాయకులకు అసౌకర్యంగా ఉంది. వారి నియోజకవర్గాలలో మైనారిటీ ఓటర్లు కూడా ఉన్నారు. 2021లో బీఆర్ఎస్ క్యాబినెట్ నుంచి ఉద్వాసనకు గురైన తర్వాత బీజేపీలో చేరిన ఈటల రాజేందర్, రాష్ట్ర ప్రభుత్వంలోని లోపాలపై దాడి చేసే తన ఎజెండాకు ఎక్కువగా కట్టుబడి ఉన్నారు తప్ప హిందుత్వ ఎజెండా ఎత్తుకోలేదు.
బీజేపీలోకి మారిన ఈటల, కాంగ్రెస్ మాజీ ఎమ్మెల్యే కోమటిరెడ్డి రాజగోపాల్‌రెడ్డి Komati reddy Rajagopal Reddy వంటి నేతలు కేవలం బీఆర్ఎస్ BRS, దాని పాలనపైనే దృష్టి సారించారు. మరోవైపు, బండి సంజయ్ మాత్రం ప్రధానంగా తన దూకుడు హిందుత్వ వైఖరికి కట్టుబడి ఉన్నాడు. ఇది అతని ప్రజా సంగ్రామ యాత్రలో స్పష్టంగా కనిపించింది. దీనిలో అతను చార్మినార్వ Charminar ద్ద భాగ్యలక్ష్మి ఆలయం, రజాకార్లు వంటి హిందూత్వ సమస్యలపై పదేపదే మాట్లాడాడు.
అంతేగాక, బండి సంజయ్ లాగా కరడుగట్టిన హిందుత్వ విధానాన్ని అవలంబించడానికి తాము సుముఖంగా లేమని రాష్ట్ర బీజేపీలోని చాలా మంది నాయకులు అంటున్నారు. “ఇప్పుడు మాట్లాడాల్సిన మా మొదటి, ముఖ్యమైన అంశం అభివృద్ధి. BRS దుష్పరిపాలన గురించి మాట్లాడటానికి, దానిని హైలైట్ చేయడానికి చాలా విషయాలు ఉన్నాయి. తెలంగాణలో ఇప్పుడు మనం హిందుత్వంపై మాత్రమే దృష్టి సారిస్తున్నామనే అభిప్రాయం కొంత వరకు ప్రజల్లో, ముఖ్యంగా పరిశ్రమాధిపతుల్లో ఏర్పడింది. అంతేకాకుండా, కిషన్ రెడ్డి మరింత హుందాగా వ్యవహరిస్తాడు. ఇప్పుడు బిజెపి ప్రచారంలో తేడాను మీరు చూస్తారు, ”అని రాష్ట్ర కార్యవర్గానికి చెందిన బిజెపి కార్యనిర్వాహక సభ్యులొకరు అన్నారు.
పేరు చెప్పడానికి ఇష్టపడని హైదరాబాద్‌కు చెందిన మరో బిజెపి నాయకుడు మాట్లాడుతూ, పార్టీ హిందుత్వ విధానంపై 2020 నుండి పరిశ్రమ వర్గాల్లో ప్రతికూల అభిప్రాయం ఏర్పడిందని అన్నారు.
2020 గ్రేటర్ హైదరాబాద్ మున్సిపల్ కార్పొరేషన్ (GHMC) ఎన్నికల్లో 150 కౌన్సెలర్ వార్డులలో 48 స్థానాలను బిజెపి గెలుచుకుంది. 2015 GHMC ఎన్నికల్లో 99 GHMC వార్డులను గెలుచుకున్న BRS, దాని సంఖ్య 56కి తగ్గింది. ఆల్ ఇండియా మజిలిస్-ఇ-ఇత్తాదుల్ ముస్లిమీన్ (AIMIM) మరియు కాంగ్రెస్ 44 మరియు 2020 మున్సిపల్ ఎన్నికలలో రెండు స్థానాలను గెలుచుకున్నాయి. ఈ ఎన్నికల్లో బీజేపీ అధిక స్థానాలు గెల్చుకోవడానికి దూకుడు హిందుత్వనే కారణమని, కరుడుగట్టిన ఆరెస్సెస్ వ్యక్తి అయిన బండి సంజయ్, ఆయన అనుచరులు ప్రచారం చేసినప్పటికీ అసలు కారణం అదికాదని రాజకీయ నిపుణులు చెప్తున్నారు.
బండి సంజయ్ వ్యూహాలు కొంత మేరకు ఫలించగా, ఇతర అంశాలు కూడా పాత్ర పోషించాయని రాజకీయ పరిశీలకులు అంటున్నారు.
“ghmc ఎన్నికల్లో బీజేపీ చాలా సీట్లు గెలవడానికి ఒక కారణం ఏమిటంటే, ప్రభుత్వం నుండి ఉద్యోగ నోటిఫికేషన్‌ల కోసం చాలా మంది యువత ఇంకా ఎదురుచూడడమే. పట్టణ ఓటర్లు బీజేపీకి ఓటు వేయడానికి అదే బలమైన కారణం. తెలంగాణలో హిందూత్వ కథలవైపు ఎక్కువ మంది మొగ్గరు. కర్ణాటక ఎన్నికల తర్వాత ఇక్కడ హిందూత్వ ఎజెండాపై పునరాలోచన జరిగింది’’ అని యూనివర్సిటీ ఆఫ్ హైదరాబాద్ రాజనీతి శాస్త్ర విభాగానికి చెందిన ఫ్యాకల్టీ సభ్యుడు ఇ వెంకటేష్ అన్నారు.
బండి సంజయ్ హయాంలో అత్యంత ప్రముఖంగా మారిన మరొక హిందుత్వ ముఖం నిజామాబాద్ Nizamabadఎంపీ అరవింద్, గత కొన్ని సంవత్సరాలుగా అనేక మతపరమైన వ్యాఖ్యలను చేశారు. బండి సంజయ్, అరవింద్ ఇద్దరూ 2022లో రాష్ట్ర సివిల్ అభ్యర్థులు ఉర్దూలో పరీక్షలు రాయడానికి అవకాశం కల్పిస్తున్నారని, రాష్ట్ర ప్రభుత్వం ముస్లింలకు అనుకూలంగా వ్యవహరిస్తోందని ఆరోపించారు.
బండి సంజయ్ ఆధ్వర్యంలో గోషామహల్ ఎమ్మెల్యే రాజాసింగ్‌, రెచ్చగొట్టే, ముస్లిం వ్యతిరేక ప్రకటనలు చేయడంలో ముందున్నారు. ఒక వీడియోలో మహమ్మద్ ప్రవక్తపై అవమానకరమైన వ్యాఖ్యలు చేసినందుకు సింగ్ ప్రస్తుతం సస్పెన్షన్‌లో ఉన్నారు.
వాస్తవానికి కిషన్‌రెడ్డి బాధ్యతలు స్వీకరించిన కొద్ది రోజులకే ఆఫీస్ బేరర్లు, మాజీ ఎమ్మెల్యేలు, ఇతర నేతల మధ్య మూడు రోజుల పాటు రోజంతా సమావేశాలు జరిగాయి. పార్టీ ప్రచారం కోసం వివిధ సమస్యలను పరిష్కరించడానికి అంతర్గతంగా అనేక కొత్త కమిటీలు ఏర్పడ్డాయి. బండి సంజయ్ హయాంలో ఇటువంటివి జరగలేదు.
బీజేపీ రాష్ట్ర అధ్యక్షుడిగా కిషన్‌రెడ్డిని నియమించడం కూడా ఒక సంకేతం పంపుతుందని రాజకీయ విశ్లేషకుల భావన. కిషన్ రెడ్డి దూకుడుగా ఉండే వ్యక్తి కాదు, హుందాతనం ఉన్న నాయకుడు. అతనికి ఆర్‌ఎస్‌ఎస్ నేపథ్యం ఉంది కానీ బండి సంజయ్‌లా హార్డ్‌కోర్ హిందుత్వ ప్రతినిధిలా కనిపించడు. అలాగే, 2024 లోక్‌సభ ఎన్నికల ఫలితాలను బట్టి, బీజేపీకి ఇతర పార్టీల సహాయం అవసరం కావచ్చు. బెంగుళూరులో జరిగిన ప్రతిపక్ష సమావేశంలో BRS, YSR కాంగ్రెస్ పార్టీ రెండూ చేరలేదు. అలాంటి వారితో చర్చలు జరపగల చొరవ కిషన్ రెడ్డికి మాత్రమే ఉందని విశ్లేషకుల భావన
ఈ ఒక్క అంశమే కాక తెలంగాణలో అధికారంలోకి రాబోతున్నామంటూ, కేసీఆర్ అవినీతిపై చర్యలు చేపడుతామంటూ బండి సంజయ్ చేసిన వ్యాఖ్యలు కూడా బీజేపీ అగ్రనాయకత్వాన్ని ఇరుకునపెట్టాయన్న భావన నెలకొంది. తెలంగాణలో అధికారంలోకి రావడం కష్టమనే విషయం అర్దమైన బీజేపీ కాంగ్రెస్ గెలవకుండా చూసుకోవడం, రేపు పార్లమెంటులో బీఆరెస్ మద్దతు అవసరమైతే తీసుకోవడం పై దృష్టి సారించింది.