దేశంలోనే అత్యంత పొడవైన వంతెన ప్రార౦భించిన ప్రధాని

ముంబైలో నిర్మించిన దేశంలోనే అత్యంత పొడవైన బ్రిడ్జ్ ను ప్రధాని నరేంద్ర మోడీ ఇవాళ ప్రారంభించారు.17,840 కోట్ల రూపాయలతో నిర్మించిన అటల్ బిహారీ వాజ్‌పేయి సేవరీ-నవ శేవా అటల్ సేతు, దేశంలోనే పొడవైన వంతెన. దక్షిణ ముంబైని నవా-షేవాతో కలుపుతూ దేశంలోనే అతి పొడవైన సముద్ర వంతెనను ప్రధాని నరేంద్ర మోదీ శుక్రవారం నవీ ముంబైలో ప్రారంభించారు.

ఈ ఆరు లేన్ల ట్రాన్స్-హార్బర్ వంతెన 21.8 కి.మీ పొడవు ఉంది. ఇందులో 16.5 కి.మీ పొడవు సముద్ర-లింక్ ఉంది.
ఈ వంతెన రాబోయే నవీ ముంబై అంతర్జాతీయ విమానాశ్రయానికి వేగవంతమైన కనెక్టివిటీని అందిస్తుంది. ముంబై , పూణే మధ్య ప్రయాణ సమయాన్ని తగ్గిస్తుంది. ఇది ముంబై పోర్ట్, జవహర్‌లాల్ నెహ్రూ పోర్ట్ మధ్య కనెక్టివిటీని మెరుగుపరుస్తుంది. ఈ వంతెనకు 2016 డిసెంబర్‌లో ప్రధాని మోదీ శంకుస్థాపన చేశారు.