చంద్రబాబు అరెస్టు తో ఆంధ్రప్రదేశ్ లో టీడీపీ , వైసీపీ మధ్య రాజకీయం వేడెక్కగా , బీజేపీ నేతలు వ్యాఖ్యలు కూడా రాజకీయ్ అవాతావరణాన్ని మరింతగా వేడెక్కిస్తున
చంద్రబాబు అరెస్టు తో ఆంధ్రప్రదేశ్ లో టీడీపీ , వైసీపీ మధ్య రాజకీయం వేడెక్కగా , బీజేపీ నేతలు వ్యాఖ్యలు కూడా రాజకీయ్ అవాతావరణాన్ని మరింతగా వేడెక్కిస్తున్నాయి. చంద్రబాబు అరెస్టు పై బీజేపీ జాతీయ ప్రధాన కార్యదర్శి, తెలంగాణ బీజేపీ మాజీ అధ్యక్షుడు బండి సంజయ్ సంచలన వ్యాఖ్యలు చేశారు. చంద్రబాబును అరెస్టు చేసి వైఎస్ జగన్ తన గొయ్యి తానే తవ్వుకున్నాడని ఆయన మండి పడ్డారు. చంద్రబాబును అక్రమంగా అరెస్టు చేశారని ఆయన అరెస్టు తర్వాత తెలుగుదేశం పార్టీ మైలేజీ పెరిగిందని సంజయ్ వ్యాఖ్యానించారు.
తప్పు చేస్తే ఎవరినైనా అరెస్టు చేయవచ్చని, అయితే చంద్రబాబు అరెస్టు మాత్రం పూర్తిగా కక్ష పూరిత చర్యే అని బండి సంజయ్ ఆరోపించారు. ఎఫ్ ఐ ఆర్ లో పేరు కూడా లేని బాబును ఎలా అరెస్టు చేస్తారని ఆయన ప్రశ్నించారు. ఏపీ లో ఏ మూలకెళ్ళినా సామాన్య ప్రజలు కూడా చంద్రబాబు అరెస్టు ను తప్పుబడుతున్నారని ఆయన అన్నారు.
నిజాలు మాట్లాడితే తనను కూడా చంద్రబాబు కో లేక పవన్ కళ్యాణ్ కో ఏజెంటుగా వైసీపీ నేతలు ప్రచారం చేస్తారని, ఇది వాళ్ళకున్న చెత్త అలవాటని సంజయ్ మండిపడ్డారు. చంద్రబాబు అరెస్టుపై ప్రజల్లో భారీ వ్యతిరేకత వ్యక్తమవుతోందని, వాళ్ళు తిరగబడే పరిస్థితి వచ్చిందని సంజయ్ అన్నారు.
వైసీపీ ప్రభుత్వం ఇప్పటికైనా తన తప్పు తెలుసుకొని దాన్ని సరిదిద్దుకుంటే వారికే మంచిదని లేదంటే ప్రజలు తమ తీర్పును ఎన్నికల సమయంలో చెప్తారని బండి సంజయ్ స్పష్టం చేశారు.