‘ఇండియా’ కూటమికి మోడీ భయపడుతున్నాడా ?

బీజేపీకి వ్యతిరేకంగా దేశంలోని దాదాపు 28 విపక్షాలు ఏకమై ‘ఇండియా’ కూటమి ఏర్పాటు చేసిఅన నాటి నుంచి బీజేపీ వణికిపోతుందా? ఇండియా అనే బ్రాండ్ ప్రతిపక్షాలకు కలిసొచ్చే అంశంగా బీజేపీ భావిస్తోందా ? అంటే…. నిన్నటి నుంచి సాగుతున్న పరిణామాలను చూస్తే పై ప్రశ్నలకు అవుననే సమాధానం వస్తుంది.

G20 విందు ఆహ్వాన పత్రాలపై ద్రౌపది ముర్మును “భారత్ ప్రెసిడెంట్”గా అభివర్ణిస్తూ రాష్ట్రపతి కార్యాలయం నుండి వచ్చిన ఇన్విటేషన్ మంగళవారం (సెప్టెంబర్ 5) తీవ్ర డ్రామాకు దారి తీసింది. ఇది ఇండియా పేరును రద్దు చేసి, దానిని భారత్‌గా మాత్రమే చేయాలని బీజేపీ ప్రయత్నిస్తోందనే ఊహాగానాలకు దారితీసింది.

భారత రాజ్యాంగంలోని ఆర్టికల్ 1(1) “ఇండియా, అంటే భారత్, రాష్ట్రాల యూనియన్‌గా ఉంటుంది” అనే పదాలతో ప్రారంభమవుతుంది.
G20 విందు ఆహ్వానం కార్డులలో “ఇండియా ప్రసిడెంట్ “కి బదులుగా ‘భారత రాష్ట్రపతి’ అని సూచించే చిత్రాలు సోషల్ మీడియాలో ప్రసారం కావడంతో, ప్రతిపక్ష పార్టీల నుండి తీవ్ర ఆగ్రహం వ్యక్తమయ్యింది. కేంద్ర మంత్రి ధర్మేంద్ర ప్రధాన్ ఈ ఆహ్వానం పత్రం చిత్రాన్ని సోషల్ మీడియాలో షేర్ చేశారు.

X (గతంలో ట్విట్టర్) లో ఒక పోస్ట్‌లో, ప్రధాన్ తన పేరుతో ఆహ్వానాన్ని పంచుకున్నారు. జాతీయ గీతం యొక్క మొదటి పంక్తిని హిందీలో రాశారు: “జన గణ మన అధినాయక జయ హే, భారత్ భాగ్య విధాత”.
ప్రధాన్ పంచుకున్న ఆహ్వానం ఇలా ఉంది: “సెప్టెంబర్ 9, 2000లో శనివారం విందును భారత్ ప్రసిడెంట్ ఆస్వాదించాలని అభ్యర్థిస్తున్నాను” అని ధర్మేంద్ర ప్రధాన్ పోస్ట్ చేశారు

28 ప్రతిపక్ష పార్టీల బ్లాక్ కలిసి, తమను తాము ఇండియా అని పిలుచుకోవడం, భారత జాతీయ అభివృద్ధి సమ్మిళిత కూటమి కోసం నిలబడటం ప్రారంభించినప్పటి నుండి, దీన్ని ఎలా ఎదుర్కోవాలన్నది అర్దం కాక బిజెపికి గందరగోళంలో పడింది. ప్రతిపక్షాలను ఎదుర్కోవడానికి బీజేపీ అనేక రకాల ప్రయత్నాలు చేసింది. ఇండియన్ ముజాహిదీన్, ఈస్ట్ ఇండియా కంపెనీ కూడా తమ పేరులో ఇండియానున్ని కలిగి ఉన్నాయని మోడీ మాట్లాడారు.చెప్పారు.

ఈ నేపథ్యంలో ఇండియా కూటమి పేరు గణనీయమైన ఆసక్తిని సృష్టించిందని బ్రాండింగ్ నిపుణులు చెప్పారు.

అంతకుముందు మంగళవారం, కాంగ్రెస్ ఎంపీ జైరాం రమేష్ ఎక్స్‌లో ఒక పోస్ట్‌లో, రాష్ట్రపతి భవన్ సెప్టెంబర్ 9న G20 విందుకు ఆహ్వానం పంపిందని, సాధారణ ‘ఇండియా రాష్ట్రపతి’కి బదులుగా ‘భారత్ ప్రెసిడెంట్’ పేరుతో ఆహ్వానం పంపారు. ” అని చెప్తూ,
ఆర్టికల్ 1ని ప్రస్తావించిన ఆయన ఇది “యూనియన్ ఆఫ్ స్టేట్స్” పై దాడి అని అన్నారు.

ఆమ్ ఆద్మీ పార్టీ (ఆప్), కాంగ్రెస్, ఆర్‌జెడి పార్లమెంటేరియన్‌లతో సహా ఇతర ప్రతిపక్ష సభ్యులు కూడా భారతీయ జనతా పార్టీ (బిజెపి) నేతృత్వంలోని కేంద్ర ప్రభుత్వంపై విరుచుకుపడ్డారు. ఉమ్మడి ప్రతిపక్షం ఏర్పాటు చేసిన ఇండియా కూటమి వల్ల బీజేపీ కొట్టుమిట్టాడుతున్నట్లు ఆరోపించింది.
గత వారం 26కి పైగా ప్రతిపక్ష పార్టీలతో కూడిన భారత కూటమి ముంబైలో మూడవ సమావేశాన్ని నిర్వహించింది. 2024 సార్వత్రిక ఎన్నికలలో బిజెపిని ఎదుర్కోవడానికి సీట్ల షేరింగ్ ఫార్ములాలపై పని చేస్తామని హామీ ఇచ్చింది.

తమిళనాడు ముఖ్యమంత్రి ఎం.కె. స్టాలిన్ ప్రతిపక్ష కూటమి ‘ఇండియా’ అని పేరు పెట్టుకున్న తర్వాత బీజేపీ ఈ చర్యకు దిగజారిందని ఒక ప్రకటనలో తెలిపారు.
“ఇండియా అనే ఒకే పదంతో బిజెపి భయపడుతున్నట్టు కనిపిస్తోంది, ఎందుకంటే వారు ప్రతిపక్షంలోని ఐక్యత బలాన్ని గుర్తించారు. ఎన్నికల సమయంలో ‘ఇండియా’ బీజేపీని అధికారం నుంచి తరిమికొడుతుంది!” అన్నారాయన‌

ఢిల్లీ ముఖ్యమంత్రి , ఆప్ జాతీయ కన్వీనర్ అరవింద్ కేజ్రీవాల్ కూడా విలేకరుల సమావేశంలో మాట్లాడుతూ, బిజెపి “ఇండియా కూటమితో కలత చెందడం” వల్లనే ఈ చర్య చేపడుతోందని అన్నారు.

“ఈ వ్యక్తులు ‘ఇండియా’ కూటమితో చాలా కలత చెందుతున్నారు, వారు దేశం పేరును కూడా మారుస్తారా? రేపు మా కూటమికి “భారత్” అని పేరు పెడితే, “భారత్” పేరును కూడా మారుస్తారా?” అని ఆయన ప్రశ్నించారు.

అలాగే భారత రాజ్యాంగంలోని ఆర్టికల్ 1ని ప్రస్తావిస్తూ, కాంగ్రెస్ ప్రధాన కార్యదర్శి కె.సి. వేణుగోపాల్ ఈ చర్యను బిజెపి చిల్లర‌ రాజకీయాలుగా వర్ణించారు. బీజేపీరు ఇండియా కూటమికి భయపడుతున్నది” అని అన్నారు.
“ఆర్టికల్ 1 చెప్పినట్లుగా ‍ ఇండియా, అంటే భారత్, రాష్ట్రాల యూనియన్‌గా ఉండాలి. ఇది చిల్లర రాజకీయం ఎందుకంటే వారికి భారతదేశం అంటే భయం. మీకు నచ్చినట్టు ప్రయత్నించండి, మోడీ జీ. జుడేగా భారత్, జీతేగా ఇండియా!” అని వేణుగోపాల్ వ్యాఖ్యానించారు

ఆర్జేడీ ఎంపీ మనోజ్ ఝా మాట్లాడుతూ ప్రతిపక్ష కూటమికి ‘ఇండియా’ అని పేరు పెట్టి కొన్ని వారాలే అయిందని, “రిపబ్లిక్ ఆఫ్ ఇండియా” అని కాకుండా ‘రిపబ్లిక్ ఆఫ్ భారత్’ అంటూ బీజేపీ ఆహ్వానాలు పంపడం ప్రారంభించిందని అన్నారు.
“రాజ్యాంగంలోని ఆర్టికల్ 1 ‘ఇండియా అంటే భారత్’ అని పేర్కొంది. మీరు మా నుండి లేదా ఇందీయ‌ నుండి భారతదేశాన్ని తీసుకోలేరు.” అన్నారాయన‌

సోషల్ మీడియాలో రౌండ్లు కొడుతున్న‌ ఆహ్వాన పత్రం ప్రామాణికత గురించి మీడియా అడిగినప్పుడు, రాష్ట్రపతి భవన్ వర్గాలు G20 ఈవెంట్‌లను విదేశీ వ్యవహారాల మంత్రిత్వ శాఖ MEA సమన్వయం చేస్తున్నద‌ని , ఆ శాఖ అధికారులు మాత్రమే దీనిపై స్పందించగలరని తెలియజేసారు.

అయితే ఇక నుంచి అన్ని అధికారిక కార్యక్రమాల్లో ఇండియా బదులు భారత్ ను ఉపయోగించుకోవాలని మౌఖికంగా చెప్పినట్లు సిబ్బంది తెలిపారు.

బిజెపి జాతీయ ఉపాధ్యక్షుడు బైజయంత్ పాండా, కేంద్ర మంత్రి రాజీవ్ చంద్రశేఖర్, అస్సాం ముఖ్యమంత్రి బీరేన్ సింగ్ తో సహా పలువురు బీజేపీ నేతలు ఇండియా నుంచి భారత్ కు మారడం పై పరోక్ష సూచనలు ఇస్తున్నారు. మరి కొందరు బీజేపీ నాయకులైతే వెంటనే ఇండియా అనే పేరును తీసేయాలని భారత్ అని మాత్రమే వినియోగించాలని అంటున్నారు.

ఇటీవల, ఆర్‌ఎస్‌ఎస్ చీఫ్ మోహన్ భగవత్ ఒక ప్రసంగంలో మనం ‘ఇండియా’ గురించి ప్రస్తావించడం మానేసి ‘భారత్’ గురించి మాత్రమే మాట్లాడాలని అనడాన్ని మనం మర్చిపోకూడదు..

ఇండియా, భారతదేశం రెండూ దేశం యొక్క ఆమోదించబడిన పేర్లని, అయినప్పటికీ బిజెపి వాటిని ఒకదానికొకటి విరుద్ధంగా ప్రదర్శిస్తోందని కాంగ్రెస్ ఎంపి గౌరవ్ గొగోయ్ అన్నారు. “మేము ‘ఇండియా’ , ‘భారత్’ పేర్లను అంగీకరిస్తాము . అందుకు గర్వపడుతున్నాము. ISROలోని ‘I’ ఇండియా, IIT లలో “I”ఇండియా, IIM లలో ‘I’ ఇండియా, IPS లోని ‘I’ ఇండియా. ఇండియా (ప్రతిపక్ష) కూటమికి భయపడి బీజేపీ రాజకీయాలు చాలా దిగజారిపోయాయని ఆయన అన్నారు.

ఎన్నడూ లేని విధంగా బీజేపీ ఈ ఆలోచనచేయడం వెనక నిజంగానే ఇండియా కూటమి పట్ల భయముందా ? ఆ కూటమి తమ పార్టీని అధికారం నుండి కూల్చేస్తుందని బీజేపీ భావిస్తోందా ?