ప్రతిష్టాత్మకమైన ‘ఆదిత్య L1’ ను విజయవంతంగా ప్రయోగించిన ఇస్రో

ఇస్రో చంద్రయాన్ 3 Chandrayan 3 ని విజయవంతంగా ప్రయోగించిన తర్వాత శనివారం మరో ప్రతిష్టాత్మకమైన సోలార్ మిషన్, ఆదిత్య L1 Aditya L1 ను విజయవంతంగా ప్రయోగించింది.

23.40 గంటల కౌంట్‌డౌన్ ముగియడంతో, 44.4 మీటర్ల పొడవైన పోలార్ శాటిలైట్ లాంచ్ వెహికల్ (PSLV) చెన్నైకి 135 కిమీ దూరంలో తూర్పు తీరంలో ఉన్న శ్రీహరికోట స్పేస్‌పోర్ట్ నుండి ఈ ఉదయం 11.50 గంటలకు పైకి ఎగిరింది.

ISRO ప్రకారం, ఆదిత్య-L1 సూర్యుడిని అధ్యయనం చేయబోతున్న‌ మొదటి అంతరిక్ష ఆధారిత అబ్జర్వేటరీ. అంతరిక్ష నౌక, భూమి నుండి 125 రోజుల పాటు సుమారు 1.5 మిలియన్ కి.మీ ప్రయాణించిన తర్వాత, సూర్యుడికి దగ్గరగా ఉండేబడే లాగ్రాంజియన్ పాయింట్ L1 చుట్టూ ఒక హాలో కక్ష్యలో ఉంచబడుతుంది. ఇది శాస్త్రీయ ప్రయోగాల కోసం సూర్యుని చిత్రాలను పంపుతుంది.

శాస్త్రవేత్తల ప్రకారం, భూమి Earth , సూర్యుని SUN మధ్య ఐదు లాగ్రాంజియన్ పాయింట్లు ( పార్కింగ్ ప్రాంతాలు) ఉన్నాయి, అక్కడ ఒక చిన్న వస్తువు ఉంచినట్లయితే అది అక్కడే ఉంటుంది. లాగ్రాంజ్ పాయింట్లకు ఇటాలియన్-ఫ్రెంచ్ గణిత శాస్త్రజ్ఞుడు జోసెఫ్-లూయిస్ లాగ్రాంజ్ పేరు పెట్టారు. అంతరిక్షంలో ఉన్న ఈ పాయింట్లను స్పేస్‌క్రాఫ్ట్ అక్కడ ఉండేందుకు ఉపయోగించవచ్చు.

లాగ్రాంజ్ పాయింట్ వద్ద, రెండు పెద్ద వస్తువుల (సూర్యుడు , భూమి) యొక్క గురుత్వాకర్షణ పుల్ ఒక చిన్న వస్తువు వాటితో కదలడానికి అవసరమైన సెంట్రిపెటల్ ఫోర్స్‌కు సమానం.

ఇక్కడి సతీష్ ధావన్ స్పేస్ సెంటర్‌లో లిఫ్ట్-ఆఫ్ తర్వాత, శాస్త్రవేత్తలు ముందుగా లో ఎర్త్ ఆర్బిట్ వద్ద అంతరిక్ష నౌకను ఉంచడంలో పాల్గొంటారు.

అంతరిక్ష నౌక ఆన్-బోర్డ్ ప్రొపల్షన్‌ను ఉపయోగించి లాగ్రాంజ్ L1 పాయింట్ వైపు ప్రయోగించబడుతుంది. తద్వారా ఇది భూమి యొక్క గురుత్వాకర్షణ గోళం నుండి నిష్క్రమిస్తుంది. L1 వైపు క్రూయిజ్ ప్రయాణం చేస్తుంది. తరువాత, ఇది సూర్యునికి సమీపంలో ఉన్న L1 పాయింట్ చుట్టూ ఉన్న పెద్ద హాలో ఆర్బిట్‌లోకి ఇంజెక్ట్ చేయబడుతుంది.

లాంచ్ నుండి ఎల్1 పాయింట్‌కి చేరుకునే వరకు ఆదిత్య-ఎల్1 మిషన్‌కు నాలుగు నెలల సమయం పడుతుందని ఇస్రో తెలిపింది.

సూర్యుడిని అధ్యయనం చేయడానికి గల కారణాలను వివరిస్తూ, భూమి వాతావరణం, అలాగే దాని అయస్కాంత క్షేత్రం భూమికి రక్షణ కవచంగా పని చేస్తుంది. హానికరమైన తరంగదైర్ఘ్యం రేడియేషన్‌లను అడ్డుకుంటుంది. అటువంటి రేడియేషన్‌ను గుర్తించడానికి, సౌర అధ్యయనాలు అంతరిక్షం నుండి నిర్వహించబడతాయి.

కరోనల్ హీటింగ్, సోలార్ విండ్ యాక్సిలరేషన్, కరోనల్ మాస్ ఎజెక్షన్ (CME), భూమికి సమీపంలో ఉన్న అంతరిక్ష వాతావరణం, సౌర గాలి పంపిణీ తదితర విషయాలను అర్థం చేసుకోవడం మిషన్ ప్రధాన లక్ష్యాలలో ఒకటి.