మధ్యప్రదేశ్, రాజస్థాన్, చత్తీస్ గడ్, తెలంగాణ, మిజోరాం రాష్ట్రాల్లో వచ్చే నెలలో జరగనున్న అసెంబ్లీ ఎన్నికల్లో మూడు రాష్ట్రాల్లో కాంగ్రెస్, ఒక రాష్ట్రంల
మధ్యప్రదేశ్, రాజస్థాన్, చత్తీస్ గడ్, తెలంగాణ, మిజోరాం రాష్ట్రాల్లో వచ్చే నెలలో జరగనున్న అసెంబ్లీ ఎన్నికల్లో మూడు రాష్ట్రాల్లో కాంగ్రెస్, ఒక రాష్ట్రంలో బీజేపీ, మరో రాష్ట్రంలో హంగ్ ఏర్పడుతుందని సీ ఓటర్ సర్వే తేల్చింది.
మధ్యప్రదేశ్
మధ్యప్రదేశ్‌లో, 230 సీట్ల రాష్ట్ర అసెంబ్లీలో 44.6 శాతం ఓట్ల వాటాతో, కాంగ్రెస్ 113-125 సీట్లు గెలుచుకుంటుందని అంచనా.
అధికారంలో ఉన్న బీజేపీకి 44.7 శాతం ఓట్లు, 104-116 సీట్లు వస్తాయని అంచనా. 2.1 శాతం ఓట్లతో, బహుజన్ సమాజ్ పార్టీ (బిఎస్పి) కూడా రెండు స్థానాల వరకు గెలుస్తుందని అంచనా.
రాజస్థాన్
రాజస్థాన్‌లో, సర్వే అంచనాల ప్రకారం, ముఖ్యమంత్రి అశోక్ గెహ్లాట్ నేతృత్వంలోని కాంగ్రెస్ 42 శాతం ఓట్లతో 59-69 సీట్లు మాత్రమే గెలుచుకోగలదని అంచనా.
రాజస్థాన్‌లో మొత్తం 200 అసెంబ్లీ నియోజకవర్గాలు ఉన్నాయి.
మరోవైపు బీజేపీ 46.7 శాతం ఓట్లతో 127-137 సీట్లు గెలుచుకుంటుందని అంచనా వేసింది.
ఛత్తీస్‌గఢ్
90 అసెంబ్లీ స్థానాలున్న చత్తీస్ గడ్ లో 45.3 శాతం ఓట్లతో కాంగ్రెస్ 45-51 సీట్లు, 43.5 శాతం ఓట్లతో బీజేపీ 39-45 సీట్లు గెలుచుకునే అవకాశం ఉందని సర్వే తెలిపింది.
తెలంగాణ
అధికారంలో ఉన్న బీఆర్‌ఎస్‌కు ఎదురుదెబ్బ తగిలి తెలంగాణలో కాంగ్రెస్ ఆధిక్యం సాధిస్తుందని సర్వే అంచనా వేసింది. అంచనాల ప్రకారం, 119 సీట్ల అసెంబ్లీలో కాంగ్రెస్ 48-60 సీట్లు గెలుచుకుంటుంది. బీఆర్‌ఎస్ 43 నుంచి 55 సీట్లు గెలుచుకోగా, బీజేపీ 5-11 సీట్లు గెలుచుకునే అవకాశం ఉంది.
ఓట్ల శాతం ప్రకారం కాంగ్రెస్‌కు 38.8 శాతం, బీఆర్‌ఎస్‌కు 37.5 శాతం, బీజేపీకి 16.3 శాతం ఓట్లు వస్తాయని అంచనా వేసింది.
మిజోరం
40 అసెంబ్లీ నియోజకవర్గాలు ఉన్న మిజోరంలో అధికార మిజో నేషనల్ ఫ్రంట్ (MNF), జోరామ్ పీపుల్స్ మూవ్‌మెంట్ (ZPM), కాంగ్రెస్‌ల మధ్య త్రిముఖ పోటీ ఉంటుందని సర్వే అంచనా వేసింది. ఇక్కడ హంగ్ అసెంబ్లీ ఏర్పడే అవ్కాశం ఉంది. MNF 13-17 సీట్లు గెలుచుకోవచ్చని అంచనా వేయగా, కాంగ్రెస్ 10-14 స్థానాల్లో విజయం సాధిస్తుంది. ZPM 9-13 సీట్లు గెలుచుకుంటుందని అంచనా.