సీనియర్ పాత్రికేయులు, ప్రముఖ రాజకీయ విశ్లేషకులు సీహెచ్‌వీఎం కృష్ణారావు గురువారం హైదరాబాద్ లో కన్నుమూశారు. ఆయన వయసు 64. కృష్ణారావు ప్రయాణం 1975లో ఒ
సీనియర్ పాత్రికేయులు, ప్రముఖ రాజకీయ విశ్లేషకులు సీహెచ్‌వీఎం కృష్ణారావు గురువారం హైదరాబాద్ లో కన్నుమూశారు. ఆయన వయసు 64.
కృష్ణారావు ప్రయాణం 1975లో ఒక స్టింగర్‌గా ప్రారంభమైంది. ఈనాడు, ఆంధ్రప్రభ, ఆంధ్రభూమి, డెక్కన్ క్రానికల్, ది న్యూ ఇండియన్ ఎక్స్‌ప్రెస్‌తో సహా అతను పని చేసిన చోట చెరగని ముద్ర వేశారు. . డెక్కన్ క్రానికల్ లో న్యూస్ బ్యూరో చీఫ్‌గా అతనిది సుదీర్ఘమైన, అత్యంత ప్రభావవంతమైన పాత్ర. అక్కడ అతను 18+ సంవత్సరాలు పనిచేశాడు.
జర్నలిస్టులందరూ అతన్ని “బాబాయ్” అని ముద్దుగా పిలుచుకునే వారు.
గత ఏడాది నుంచి కృష్ణారావు క్యాన్సర్‌తో పోరాడుతున్నారు. ఆయనకు భార్య, కుమారుడు, కుమార్తె, ఇద్దరు మనుమలు ఉన్నారు.
కాగా, కృష్ణా రావు మృతి పట్ల తెలంగాణ ముఖ్యమంత్రి కేసీఆర్ సంతాపం వ్యక్తం చేశారు. అభ్యుదయ భావాలు కలిగిన కృష్ణారావు సీనియర్ జర్నలిస్టుగా చేసిన సేవలను సిఎం స్మరించుకున్నారు. పలు రంగాల్లో లోతైన అవగాహనతో ప్రజా ప్రయోజనాల కోణంలో ఆయన చేసిన రచనలు, విశ్లేషణలు, కొనసాగించిన టీవీ చర్చలు ఆలోచన రేకెత్తించేవిగా వుండేవని సిఎం తెలిపారు. నాలుగు దశాబ్దాలకు పైబడి జర్నలిజం రంగానికి నిజాయితీగా సేవలందించిన సీనియర్ జర్నలిస్టు కృష్ణారావు మరణం పత్రికా రంగానికి తీరనిలోటని సిఎం అన్నారు. ఈ సందర్భంగా వారి ఆత్మకు శాంతి చేకూరాలని కోరుకుంటూ, వారి కుటుంబ సభ్యులకు తన ప్రగాడ సానుభూతిని సిఎం కేసీఆర్ తెలిపారు.