అక్కడ రోడ్లపై కార్లు పారుతున్నాయి

అక్కడ రోడ్లపై కార్లు పారుతున్నాయి. ఎక్కడ చూసినా నీళ్ళలో మునిగి వరదల్లో కొట్టుకపోతున్న వాహనాలే కనపడుతున్నాయి. ఇప్పుడక్కడ రోడ్లు ఎక్కడున్నాయో, ఇళ్ళెక్కడ ఉన్నాయో తెలియని పరిస్థితి.

ఉత్తర భారతాన్ని వర్షాలు, వరదలు వణికిస్తున్నాయి. అనేక రాష్ట్రాల్లో వేలాదిగా ప్రజలు నిరాశ్రయులవుతున్నారు. ఇప్పటికే 100 మందికి పైగా ప్రజలు మరణించారు. అనేక ఇళ్ళు కూలిపోయాయి. వాహనాలు వరదల్లో కొట్టుకపోతున్నాయి. కట్టుబట్టలతో ప్రజలు రోడ్డుపాలవుతున్నారు.

గుజరాత్ లో మంగళవారం కురిసిన భారీ వర్షాల కారణంగా పలు ప్రాంతాలు వరదలకు గురయ్యాయి.రాష్ట్రంలో గత కొన్ని గంటల్లో 300 మిల్లీమీటర్ల వర్షపాతం నమోదవడంతో రాజ్‌కోట్, సూరత్, గిర్ సోమనాథ్ జిల్లాల్లో కుండపోత వర్షం అల్లకల్లోలాన్ని సృష్టించింది. అధికారులు అనేక ఇళ్ళను ఖాళీ ఖాళీ చేయించారు.
తీవ్రమైన వరదల కారణంగా వీధులు జలమయం కావడం, కార్లు మునిగిపోవడం, దుకాణాలు మూసివేయడం వంటి అనేక ప్రాంతాల్లో సోషల్ మీడియాలో విజువల్స్ వైరల్ అవుతున్నాయి. వందలాది కార్లు వరద నీటిలో కొట్టుకపోతున్న దృశ్యాలు సోషల్ మీడియాలో వైరల్ గా మారాయి.

భారత వాతావరణ శాఖ (IMD) రాబోయే రోజుల్లో సౌరాష్ట్ర, దక్షిణ గుజరాత్ ప్రాంతాల్లోని కొన్ని జిల్లాల్లో భారీ నుండి అతి భారీ వర్షాలు కురిసే అవకాశం ఉందని అంచనా వేసింది.

స్టేట్ ఎమర్జెన్సీ ఆపరేషన్ సెంటర్ (SEOC) ప్రకారం, గిర్ సోమనాథ్ జిల్లాలోని సూత్రపద తాలూకాలో అత్యధిక వర్షపాతం నమోదైంది, మంగళవారం ఉదయం 6 గంటల నుండి కేవలం 14 గంటల్లో 345 మి.మీ., రాజ్‌కోట్ జిల్లాలోని ధోరాజి తాలూకాలో కేవలం 14 గంటల్లో 250 మి.మీ. , కేవలం రెండు గంటల్లో 145 మి.మీ. వర్షాపాతం నమోదయ్యింది.

భారీ నీటి ప్రవాహం కారణంగా, గుజరాత్‌లోని 206 రిజర్వాయర్ల ను 43 హై అలర్ట్ ప్రకటించారు. 18 అలర్ట్ మోడ్‌లో ఉన్నాయి, మరో 19 రిజర్వాయర్లకు హెచ్చరికలు జారీ చేసినట్లు రాష్ట్ర ప్రభుత్వం ఒక ప్రకటనలో తెలిపింది.

#WATCH | Gujarat | Severe waterlogging in Dhoraji city of Rajkot district due to incessant rainfall. (18.07)

Around 300 mm of rainfall has been recorded in the last few hours. 70 people have been shifted to safer places. pic.twitter.com/oaf5Z03q5R

— ANI (@ANI) July 18, 2023